إعلانات جوجل ادوردز ممكن تكون مفيدة جدا لشركتك لو كنت صاحب عمل او لمجال البيزنس الى انت شغال فيه لو استخدمتها صح.
وممكن تكون من اسواء الكوابيس الى ممكن تحلم بيها كل يوم لو استخدمتها بطريقة غلط وده هيكون بسبب انك هتصرف فلوس كتير والنتيجة مش زى ما انت متوقع.
علشان كدة فى المقالة دى هشرح خطوات إنشاء إعلانات جوجل ادز بطريقة سهلة و بالصور.
قبل ما ندخل على الخطوات لازم نفهم الاول إعلانات جوجل بتشتغل ازاى او بمعنى اصح هنفهم شكل ال dashboard و بعد كدة هنفهم هيكل جوجل ادز متكون ازاى.
و بعد ما نفهم الشكل و الهيكل هندخل على طول على سر إنشاء إعلانات جوجل ادز او بما تعرف قديماً ب جوجل ادوردز.
الفهرس
اولاً – شكل ال dashboard ل إعلانات جوجل ادوردز
زى ما انت شايف فى الصورة كدة ال dashboard مكونة من:
1- ال Overview للحساب الإعلانى
اول حاجة بتشوفها ال overview و فى الجزء دة جوجل بيوفر نظرة عامة على الحساب الإعلانى الخاص بيك يعنى صرفت قد ايه و النتائج عاملة ازاى.
بس خلينى اشرحهالك بالتفصيل 🙂
زى ما انت شايف فى الصورة اسفل فى الجزء دة بتشوف بشكل العام ال Performance لكل الإعلانات الى شغالة.
و الجميل فى الموضوع انك تقدر تغير ال metrics و تختار انت عايز تراجع ايه يعنى مثلا زى فى الصورة كدة اقدر اغير ال impressions و اختار اى metric تانى.
زى ال CTR او ال Avg. CPC.
أكيد بتسأل نفسك دلوقتى اية فايدة المربعات الباقية ؟
هقولك المربعات دى بنسخدمها لما بنحب نعمل مقارنة او نشوف two metrics لحد اربعة مع بعض زى مثلا انا عايز اشوف مع بعض :
- سعر النقرة بكام Avg CPC
- التكلفة Cost
- سعر العميل Cost per Conversion
- عدد النقارات Total clicks
و هتلافينى موضح فى الصورة اسفل
بعد كدة بقيت اجزاء ال dashboard هتوفر معلومات بشكل عام عن :
- إعلانات جوجل الى شغالة حالياً.
- التغيرات التى حدثت فى الحساب الإعلانى.
- الكلمات الى بتسخدمها فى الحملات الإعلانية وال Performance بتاعها.
- صفات الجمهور زى النوع و السن و العمر.
- الإجهزة التى يستخدمها الجمهور فى التفاعل مع اعلاناتك مثلا بيستخدمو الموبايل او تابلت او كمبيوتر.
و غيرها من ال sections المختلفة هسيبك تكتشفها بنفسك.
و اخيراً ال Side bar ل إعلانات جوجل
على الجنب هتلاقى side bar بتقدر تتنقل منه فى الحساب الإعلانى زى مثلا عايز تروح لصفحة الحملات الإعلانية او عايز تروح للإعدادت زى ما موضح فى الصورة اسفل:
ثانياً – هيكل إعلانات جوجل
الهيكل بيتكون من 3 خطوات وهما :
1- اعدادات الحملة Campaign setting
و فى الخطوة دى بتجهز اعدادات الحملة وتعتبر اول خطوة فى إنشاء إعلانات جوجل
طب الخطوة دى بتحتوى على ايه ؟
- الهدف من الإعلان
- بتحدد الإعلان هيظهر فين يعنى مثلا على محرك البحث او على المواقع التابعة لجوجل
- الأستهداف
- الميزانية
- نوع المزايدة bidding strategy
- واخيراً ads extensions
2- المجموعة الإعلانية Ad groups
فى الخطوة دى بيتم اختيار الكلمات المفتاحية التى سوف تنافس عليها على سبيل المثال.
انت دلوقتى شركة بتقدم خدمات تسويق الكترونى وعايز تعمل إعلانات جوجل ادز و تنافس على كلمة شركة تسويق الكترونى.
فا انت بتختار الكلمة دى مع كلمات تانية مشابة وبيتم استخدامهم فى المجموعة الإعلانية علشان تنافس عليها و هنعرف بالتفصيل مع بعض ازاى بتم الخطوة دى.
3- إعلانات جوجل Ads
واخيراً فى الخطوة دى بيتم إنشاء الإعلانات التى سوف تستهدف بيها الجمهور المستهدف.
انت دلوقتى فهمت شكل ال dashboard عامل ازاى وهيكل إعلانات جوجل ادز متكون ازاى.
رايح فين ؟ 😀 لسه هنفهم مع بعض بقى ازاى نقوم بإنشاء حملة إعلانية على جوجل ادز.
ثالثاً – خطوات إنشاء إعلانات جوجل ادز
فاكر اول خطوة ؟ التى قومنا بالتحدث عنها فى هيكل جوجل ادز وهى
إعدادات الحملة الإعلانية
طب هتوصل ازاى ؟
ممكن تبداء بإنشاء حملة عن طريق الضغط على New campaign كما موضح فى الصورة أعلى
بعد كدة هنقسم الخطوة دى إلى عدة خطوات :
1- اختيار الهدف
هنختار الهدف من الحملة زى ما انت شايف فى الصورة اسفل
طب ما معنى كل هدف ؟
المبيعات sales
و بتختار الهدف دة لو انت عندك موقع E-commerce و بتبيع من خلاله منتجات وعايز يكون الهدف الاساسى هو المبيعات فقط.
عملاء محتملين Leads
وهذا الهدف بيتم اختيارة لو انت محتاج توليد عملاء محتملين و بيتم تسميتهم leads
طب يعنى اية عملاء محتملين ؟
هما عملاء بيكون عندهم اهتمام بالمنتج او الخدمة بتعتك بس لسه مخدوش قرار الشراء فا انت كصاحب شركة سوف تقوم بإنشاء حملة إعلانية هدفها توليد عملاء محتملين عن طريق اعطاء offer و فى المقابل سوف تحصل على معلومات مثل رقم الهاتف و البريد الإلكترونى.
وهذة المعلومات سوف يستفيد منها فريق المبيعات وايضاً من خلال هذة المعلومات سوف تستفيد من التسويق عبر البريد الإلكترونى.
Website traffic
والغرض من هذا الهدف ارسال الجمهور المستهدف الى موقعك.
Product and brand consideration
الهدف دة بتستخدمة لو انت عندك منتجات وعايز الجمهور المستهدف يتصفح منتجاتك.
بس خلى بالك لو اخترت الهدف دة إعلانك هيظهر بس على المواقع التابعة لجوجل على هيئة صور او فديو على اليوتيوب.
brand awareness and reach
لو انت لسه فاتح شركة جديدة و البرند بتعتك لسه مش معروفة فا هتحتاج توصل بإعلانك لاكبر عدد ممكن من الجمهور المستهدف.
فا هتختار الهدف دة علشان توصل لإكبر عدد ممكن والناس تعرف اكتر عن البرند بتعتك.
App Promotion
لو انت عندك تطبيق على جوجل استور او ابل استور فا من الممكن اختيار هذا الهدف لزيادة عدد التنزيلات.
انت دلوقتى فهمت الهداف و الغرض من كل هدف.
نرجع بقى لموضوعنا ونكمل خطوات إنشاء إعلانات جوجل
على سبيل المثال انا هختار الهدف website traffic
2 – اختيار نوع الحملة
بعد كدة بتختار نوع الحملة الإعلانية و على سبيل المثال هختار search campaign علشان الإعلان بتاعى يظهر فى اشهر محركات البحث.
وبعد كدة هتكتب الموقع بتاعك زى ما انا موضح فى الصورة كدة
3- تسمية الحملة الإعلانية واختيار مكان ظهور الإعلان
بعد كدة هتسمى الحملة الإعلانية ولازم تختار اسم معين ومختلف لتجنب اللغبطة عندما تقوم بإنشاء اكثر من حملة إعلانية.
ويمكنك استخدام هذه المعادلة (نوع الإعلان – الهدف | مكان ظهور الإعلان – المكان المستهدف – الميزانية اليومية) كما موضح فى الصورة اسفل.
بعد ذلك سوف اختار المنصة التى سوف يظهر عليها الإعلان يا اما على محركات البحث او شبكة العرض.
و سوف اختار Search Network.
ملحوظة :- لا تختار ان يظهر على شبكة البحث و العرض معاً من اجل تحسين نتائج إعلانات جوجل.
4- اختيار المنطقة المستهدفة
بعد كدة هتختار المنطقة التى تريد استهدفها و سوف اختار القاهرة ويفضل ان تختار people in or regularly in your targeted locations
علشان يشوف الإعلان الناس المتواجدين فى المكان المستهدف فقط وليس المهتمين بالقاهرة. كما موضح فى الصورة اسفل
5- اختيار اللغة
بعد كده هختار اللغة ويفضل تكون نفس اللغة اللى هتكتب بيها الإعلان.
6- اختيار الجمهور المستهدف
وبعد ذلك جوجل بيسمحلك انك تختار مين العميل المستهدف ولو كانت اول حملة ليك على جوجل ادز فا يفضل ان تترك هذة الخطوة.
7- تحديد الميزانية ونوع المزايدة
نيجى بقى نحدد الميزانية اليومية للحملة ويفضل ان تبداء بميزانية صغيرة و على سبيل المثال سوف اقوم بكتابة 200 جنية يومياً.
وبعد ما بتختار الميزانية بتختار نوع المزايدة و طبعاً علشان الهدف الاساسى هو website traffic فا هخليها clicks.
و ممكن تختار السعر للنقرة الواحدة ولكن لو كانت اول مره ليك فا سبها maximize clicks زى ما انا موضح فى الصورة
8- Ad extensions
وبعد ذلك يمكنك ان تقوم باختيار ad extension ومن خلال هذا الاختيار يمكنك توفير معلومات إضافية لعميلك المستهدف مثل رقم هاتفك
او إذا كان لديك عرض خاص يمكنك توفيره في الإعلان أيضا وهناك العديد من المعلومات الأخرى التي يمكنك ان توفرها وسوف ادعك تستكشفها بنفسك.
مبروك انت كدة انتهيت من خطوة إعدادات الحملة هندخل بقى على ثانى خطوة وهى المجموعة الإعلانية Ad groups
المجموعة الإعلانية Ad groups
زى ما انا قولت قبل كدة فى الخطوة دى بيتم اختيار الكلمات المفتاحية الى انت عايز تنافس عليها.
اولأ سوف تقوم بتسمية المجموعة الإعلانية و بيكون الإسم على حسب الكلمات المفتاحية
ثانياً سوف تقوم بكتابة الكلمات المفتاحية ويجب تحديد نوع كل كلمة وإذا كنت لا تعرف ما هى انواع الكلمات فى جوجل ادز يمكنك معرفتها من هنا.
و اخيراً ممكن تحصل على افكار للكلمات المفتاحية زى ما انا موضح فى الصورة اعلى.
او يمكنك استخدام الأدوات التالية للبحث عن الكلمات المفتاحية :
1- keyword planner وهى اداة مجانية توفرها جوجل للبحث عن الكلمات المفتاحية
2 – SEMRush
3- ahrefs
4- kwfinder
ملحوظة: – يمكنك انشاء أكثر من مجموعة إعلانية في الحملة الواحدة وهذا سوف يتيح لك تجميع الكلمات المتشابهة في مجموعة إعلانية واحدة لتحسين النتائج على سبيل المثال إذا كان لديك منتج للرجال ومنتج للنساء فيمكنك انشاء مجموعة إعلانية للكلمات الخاصة بالرجال وأخرى خاصة للنساء.
اضغط علىsave and continue .
بعد ذلك سوف ندخل على الخطوة الأخيرة وهي
الإعلانات ads
فى هذة الخطوة هيتم إنشاء الإعلان و هنمشى مع بعض خطوة بخطوة علشان يكون الإعلان قوى و النتائج تكون افضل.
هناك عدة شروط يجب توافرها وانت تقوم بأنشاء الإعلان وهما:
- يجب استخدام الكلمات المفتاحية فى الإعلان
- يجب إعلانك يطابق نية الباحث
- كتابة العروض المتوفرة
- Call to action word
- اظهار حلول للمشاكل التى يواجها العميل المستهدف
ويمكنك توفير هذة الشروط فى :
- العناوين الرئيسية
- محتوى الصفحة المقصودة landing page
- كلمات موضحة للصفحة
- و اخيرا الوصف كما موضح فى الصورة اسفل
مثال على ذلك :
هل تتذكر مثال شركة التسويق الإلكترونى ؟ سوف نقوم بالتطبيق علية
اولاً – الكلمات المفتاحية التى سوف استخدمها و اريد المنافسة عليها على سبيل المثال هى شركات تسويق الكترونى و خدمات تسويق الكترونى.
ثانياً – ومن خلال الكلمات المفتاحية سوف تعرف نية الباحث وهى ان الباحث يريد شركة تسويق الكترونى للتسويق لمنتجاتة او لخدماتة.
ثالثاً – المشاكل التى يريد لها حل : الوصول الى الجمهور المستهدف و زيادة المبيعات فى اقل وقت.
و اخيراً ال Call to action word سوف تكون احجز الإن.
الأن سوف استخدم هذة المعلومات لإنشاء اول إعلان على جوجل ادز كما موضح فى الصورة اسفل
حان دورك
انت الأن لديك ما تحتاجه من معلومات لأنشاء إعلانات ناجحة على جوجل ادوردز ويمكنك ترك سؤالك وسوف أقوم بمساعدتك في أقرب وقت ممكن.
