التسويق الرقمي يعتبر من اكتر و اهم المجالات تداولاً في العالم، والعالم دلوقتى بقى بيتجه للتسويق الرقمي لسهولته ولانه اقل سعر من مجالات التسويق الاخرى.
في المقالة دي هنعرف ايه هي اكتر 5 اتجاهات متوقعة في 2020
الفهرس
“امازون” مستمر في الصعود
في 2019 امازون اثبت انه افضل مكان ممكن اي براند يسوق منتجاته عليه مش بس كده و كمان وجود خدمة امازون برايم ساهمت بشكل كبير في نشر المحتوى المرئي واثبتت كفائتها وساعدت بشكل كبير في نجاح المحتوى الي بيتم نشره علي المنصة.
وده خلى خدمة برايم تكون وجهة ناس كتير من المهتمين بالمحتوى المرئي وكمان المسموع.
اما في 2020 فى تقارير بترجح ان خدمة برايم هيكون ليها مستقبل اكبر ونجاح اكبر من الي حققته في 2019 وده بسبب ان اغلب الاتجاهات والانظار بقت بتتجه للتسويق الرقمي لانه زي ما قولنا بيكون اسهل واقل سعراً.
اعلانات محركات البحث تصبح اكثر صعوبة فى التسويق الرقمى
اعلانات محركات البحث زي إعلانات جوجل ادوردز و بينج معروف عنها انها الاكثر قوة وتفاعل وبيعتمد عليها قطاع كبير من اصحاب الاعمال الي بيبقى هدفهم تحقيق الارباح عن طريق ايجاد الافراد المهتمين فعلا باغراض البيزنس الخاص بيهم
ولكن في 2020 هيكون حدة التسابق علي الظهور للمستخدم اكبر قوة واغلى سعراً وده هيدفع المعلنين انهم يضخوا مبالغ اكبر وجهد اكبر في تطوير المحتوى الي حابين يوصلوه للمستخدمين ده غير ان لوغريتمات محركات البحث مثل جوجل ادوردز هتكون اصعب ومش هيكون سهل انك تضحك عليها
مقالات مقترحة: دليلك لتحسين نقاط الجودة في جوجل ادورد
“انستجرام” لسه مسيطر رغم حرب تطبيقات التواصل الإجتماعي
تطبيقات التواصل الإجتماعي الي بتعتمد علي الصور والفيديوهات بتواجه صعوبة كبيرة في انها تجذب مستخدمين جداد.
فا هنلاقي ان تطبيق زي تيك توك بقى مهتم اكتر بفئة المراهقين.
وتطبيق سناب شات مهتم اكتر بانه يبقي تطبيق اجتماعي بدون قيود.
اما تطبيق انستجرام بيحاول يجمع كل ده مع الاحتفاظ بهويته مش كده وبس، انستجرام بيعمل بكل جهده عشان يضيف مميزات جديدة للمعلنين والمستخدمين والي هتساعد اصحاب الاعمال والشركات في انهم يستخدموا تطبيق انستجرام لزيادة فرص مبيعاتهم.
اتجاه اكبر للتسوق الإلكتروني
التسويق الإلكتروني او المعروف بالـ ECOMMERCE هو انك تكون متجر متاح علي الإنترنت فقط، الإتجاه ده مش موجود كتير ومسيطر عليه في الوطن عربي شركات قليلة زي سوق.كوم او نون وغيرها.
لكن في 2020 متوقع بشكل كبير جدا ان التسوق الإلكتروني هيكون اتجاه اشخاص وشركات ناشئة كتير جدا وده لانه مش محتاج نفس رأس المال والجهد الي محتاجه في انك تفتح مشروعك او متجرك علي ارض الواقع.
هل 2020 هتكون نقلة نوعية لخدمة البحث الصوتي؟
البحث الصوتي هو ميزة مهمة جدا متوفرة علي تطبيقات زي جوجل او فيسبوك، وهي ميزة تتيحلك انك تبحث عن اي حاجة من غير ما تكتب ولكن كفاية انك تقول للتطبيق انت عاوز تبحث عن ايه.
في اخر 2019 جوجل قالت ان 20% من المستخدمين بيستخدموا خدمة البحث الصوتي و55% من المستخدمين حول العالم بحلول 2022 هيشتروا ع الأقل جهاز ذكي يعمل بخدمة الأوامر الصوتية.
وده الي بيخلي خدمة الأوامر الصوتية والبحث الصوتي تدخل حيز اهتمام تطبيقات ومواقع كتير.
مقالات مقترحة: تيك توك الاعلى استخداماً في 2019
مراجع مهمة: بيزنس تو كوميونيتي انجليزي
