جوجل ادز – 4 نصائح للحصول على افضل نتائج من إعلانات جوجل

علشان تعمل إعلانات مربحة على جوجل ادز وتساعدك فى زيادة مبيعاتك ليها العديد من المكونات.

علشان كدة النهاردة هقول على 4 نصائح تساعدك فى الحصول على افضل نتائج فى جوجل ادز.

ولو انت لسه مبتدأ انصحك تقرأ هذا المقال :- كيفية إنشاء إعلانات جوجل ادوردز – الدليل الاحترافى

1- اختيار اين يظهر الإعلان فى جوجل ادز Networks

فى بداية إنشاء الحملة على جوجل ادز هتلاقى جوجل بيقول تحب الإعلان بتاعك يظهر على شبكة البحث ولا العرض ولا الاتنين مع بعض ؟

لازم تتأكد انك مختار search network وهي شبكة البحث فقط مينفعش تختار search and display network مع بعض. 

هيجى فى بالك سؤال دلوقتى لية مينفعش الاتنين ؟ 

علشان هدفك هو العملاء المحتملين اللى بتبحث على خدمتك من خلال كلمات مفتاحية انت بتنافس عليها. 

فا اختيار شبكة البحث فقط سوف يحسن من النتائج ويمنع irrelevant clicks.

ولو حابب الإعلان بتاعك يظهرعلى شبكة العرض display network اعمل حملة منفصلة يكون هدفها display.

2- اختيار الموقع location

لازم تتاكد انك مختار موقع واحد فى الحملة الواحدة على قوقل ادورد يعنى مثلاً مينفعش استهدف مصر والسعودية مع بعض لازم يكون موقع جغرافى واحد فى الحملة الواحدة.

طيب لو انت بقى شركتك بتخدم مناطق أو مدن معينة في الدولة على سبيل المثال انت عايز تستهدف الناس اللى ساكنة فى مدينة نصر، القاهرة الجديدة، المعادى، مصر الجديدة او اى منطقة اخرى تعمل ايه ؟ 

هدوس على enter another location  بعد كدة advanced search 

بعد كده هتظهرلك خريطة تقدر تبحث فيها عن المنطقة او المدينة اللى انت عايزها على سبيل المثال انا هستهدف الناس اللى عايشة فى القاهرة الجديدة

طب لو انت عايز تستهدف منطقة معينة فى القاهرة الجديدة زي الرحاب مثلاً هتعمل اية ؟ 

1. هدوس على radius 
2. بعد كده هتدوس على pin mode وتختار المنطقة اللى انت عايزها
3. بعد كدة هتتحكم فى المسافة اللى انت محتاج تستهدفها. 

ملحوظة:- لو انت عايز تستهدف الناس اللى عايشة فى الرحاب بس مش الناس اللى بتظهر اهتمام او بتزور المنطقة هدوس على location option وبعد كدة هتختار People in or regularly in your targeted locations

3- اختيار لغة الإعلان فى جوجل ادز

قبل ما اقولك هتختار اللغة ازاى لازم تفهم الأول ازاى جوجل ادز بيحدد لغة المستخدم. 

جوجل بيحدد لغة المستخدم  بناءاً على عوامل كتير زى مثلاً الكلمات اللى بستخدمها فى محرك البحث او اعدادات المستخدم على منتجات جوجل زى gmail أو لغة المتصفح. 

ومش بس كده ده كمان فى عوامل تانية تعتمد على ال machine learning algorithms الخاصة بجوجل.  

خليني اوضح لك بمثال. 

أشرف بيفهم لغتين انجليزي وعربى  وعلى الرغم من لغة المتصفح انجليزى بس جوجل شاف ان اشرف بيفهم عربى طب ليه ؟

لأن بعض الكلمات اللى يبحث بها أشرف على محرك البحث بالعربى او بيقراء مقالات مكتوبة بالعربى. 

فا هذه الأنشطة بتوضح لجوجل ان اشرف بيفهم عربى وانجليزى فا ممكن يظهر إعلان بالعربى او بالانجليزى. 

طيب بعد ما فهمت جوجل يختار اللغة بناءاً على ايه انت بقى هتختار اللغة بناءاً على ايه ؟ 

لو إعلانات جوجل اللى انت عاملها بالعربى والكلمات المستهدف بالعربى اختر اللغة عربى علشان يكون الإعلان relevant حتى لو اللى بيبحث بيفهم عربى وانجليزى. 

4 – استراتيجية المزايدة bidding

المزايدة تنقسم إلى نوعين نوع manual ونوع automated. 

فى ال manual وتعرف بإسم  سعر النقرة اليدوي انت اللى بتعمل كل حاجة وبتحدد سعر النقرة بنفسك.

والنظام دة يستخدمه المحترفون وبيبقى محتاج تركيز ومتابعة وتجميع معلومات على قد ما تقدر. 

وزى ما انت شايف فى الصورة اسفل لما اخترتها جوجل ينصح استخدام ال smart bidding اللى بتعرف بردة بأسم automated.

 اما بقى ال automated وتعرف بإسم الأسعار المبرمج بتقول لجوجل انت اللى هتشتغل مكانى وهتشيل عنى الشغل الصعب والتخمين وتحسن النتائج بناءاَ على المعلومات اللى هتجمعها خلال فترة الإعلان. 

فا انا بفضل انك تختار ال automated bidding strategy. 

وبتختار بناءاً على هدقك يعنى لو انت بدخل زيارات على الموقع بتاعك كا توعية والناس تعرف الخدمة بتاعتك هتستخدم maximize clicks.

أما لو كان هدفك ان الناس تعمل action معين على الموقع بتاعك زى انها تشترى، تجرب خدمتك free trial، تحميل كتاب معين أو حتى تسجل معلومات بخصوص offer معين هتستخدم maximize conversions. 

بس خلى بالك علشان تستخدم maximize conversion لازم تكون عامل setup لل conversion على حسابك.

ودى بقى هنتكلم عليها فى مقال تانى إن شاء الله علشان تعرف ازاى تعمل Setup لل conversion actions خطوة بخطوة.